Sheekhu waxa uu ku eedeeyay ciidamo Ethiopian ah oo tiradooda uu ku sheegay 300 iyo ciidamada dowladda Somalia oo gaadhayay 700 in ay duulaan ku soo qaadeen fadhiisimmahooda. Waxa sheekhu intaa raaciyey in ay iska difaaceen weerarkaasi, isagoo sheegay in dhanka cadawga ay ka dileen 16 askari, gacantana ay ku dhigeen 4 baabuur oo kuwa dagaalka ah iyo tiro ciidamo maxaabiis ah oo aanu cadadkooda sheegin.

Waxa uu intaasi ku daray in hadii la soo weeraro mar kale ay isdifaaci doonaan isla markaana ay qaadi doonaan talaabo adag. Axmed Islaam waxa uu intaasi ku daray in ciidamada maxkamadaha islaamka ay 50 Km u jiraan dhanka magaalada Baydhabo ee degmada Diinsoor.

Dhanka kale, Madaxa Ammaanka ee MMI Yuusuf Indhacadde  ayaa isna yidhi “Amxaarada iyo nimankii la shaqeynayey ayaa dagaal ku soo qaaday Diinsoor , waana looga adkaaday halkaasi ILAAHEY ayaana mahad leh, ciidamadeenuna waxay ku sugan yihiin halka loo yaqaano Safar nooleys, waxaana ka qabsanay labo baabuur oo qoryo saaran yihiin iyo labo kale oo saad u siday ciidamada soo duulay” asagoo intaa ku daray in dhinacooda uu ilaa 1 nin kaga shahiiday dagaalka, tiro kalena ay dhaawacmeen sida uu hadalka u dhigay.

Xasuuqan Ulakac ah