Wasiiru Dawlaha arrimaha debedda ee dalka Uganda Oryem Okello ayaa wakaaladda wararka ee Reuters u sheegay inaanay xilligan ciidammo nabad ilaalin ah u diri doonin dalka Somalia illaa xaaladda ammaanku ka hagaagto isla markaana ay yaraanayso khatarta dagaal ee ka oogan geeska Afrika.

"Waxaan go'aansannay inaannaan xilligan hadda u dirin wax ciidamo ah dalka Somalia. Mr Okello oo hadalkiisa sii wataa waxa uu yidhi " Xaaladdu si degdega ayay uga sii dartay iyadoo qarka loo saaran yahay khatar dagaal... Ciidamada Maxaakiimtu weli way fidayaan dagaalna way u diyaargaroobeen ciidamadayadana looma tababarin dagaal ee waxa loo carbiyey nabad ilaalin".

Dawladda Maraykanka ayaa dawladda Uganda ku cadaadinaysay inay ciidamo 700-800 ah ku biiriso ciidamo lagu sheegay nabad ilaalin oo uu Maraykanku doonayo inuu ku hor istaago Maxaakiimta Islaamka isagoo u Ethiopina u gacan bannaynaya inay dagaal la galaan Maxaakiimta.

 

Xasuuqan Ulakac ah