(BURCO):Culimada iyo dadweynaha Gobolka Togdheer ayaa Si diirran u soo dhoweeyey Shiikh Maxamed Maxamuud Nuur oo si xaqdarro ay uu u xidhay maamulka Riyoole Cohen dhawaanna xabsiga laga sii daayey.

Culimada ka soo qayb gashay kulanka xaflada waxaa ka mid ahaa Shiikh Mubaarig Diiriye, Shiikh Jaamac Aadan Xasan, Shiikh Aadan Axmed Ducaale (ina- Axmed Caare).

Dadweynihii soo dhaweynayey Shiikh Maxamed Maxamuud iyo Culimadii la socotay waxa Degmada Shiikh kaga hor tegey Kolanyo Gaadiid ah oo ay Sudhnaayeen Caleemo qoyon ka dib waxaa galbis ku soo mareen Wadooyinka Waaweyn ee Magaalada Burco halkaas oo Shiikh Dadweynaha Gobalka Togdheer ku salaamayeen.

Shiikh Maxamed Maxamuud Nuur wuxuu Dadweynaha kala hadleen isaga iyo Culimadii la socotay Shiikha, Fagaaraha Khayriyada Magaalada Burco.

Furitaankii Khudbada waxaa ka hadlay Shiikh Aadan Axmed Ducaale (ina axmed Caare) wuxuuna yidhi sida la yaqaano marka xaflad noocan oo kale ah laysugu yimaado waxaa lagu gartaa ummada waxay raali ku yihiin, Dadka qaar baa dabada laga soo ka xeeyaan tan maanta cidi inama soo abaabulin, Dadka Damiirkooda ayey kaga soo qayb galeen Waad og tihiin Isu soo baxyada waxaa lagu bixiyaa Lacag, Hadaanay ku Qanacsanayn.


Waa in aynu ku faraxnaa Walaalkeen Baadilka iyo Dulmiga ku xidhnaa sii dayntiisa, Dawladii Cabaasiyiin Taariikhda waxaa ku qoran Iimaamadoodii mid ka mida oo la odhan jirey Haaruun-Rashiid oo Baqdaad Xukumi jirey ayaa maalin maalmaha ka mid ah waxaa yimid C/laahi Mubaarig soo booqday waxaa la yidhi Ninkii Meesha Xukamayey Hooyadii Haaruun Rashiid waxay aragtay Ummadii ka hor tagtay ninkaas, Qofka Ummada oo Dhami ka hortagto muxuu ahaa iimaamadoodii Waa Caalamu Qurafaa C/laahi Ibnu Mubaarig, waa Caalim weyn oo islaamka ka mid ahaa Waa boqor Dhab ah haddii Boqor jori.

Shiikh Maxamed Maxamuud Diinta Sharafteeda Ayuu Cadaw Badan kula Coloobeen, Walaalkeen Diinta ayeynu ku Ciseynaynaa Dadka Iimaankooda soo kaxeeyey Islaanimo ayaa soo ka xaysay waanu ku farxayna sida sidii Nabi Yacquub markii inankiisii ka soo baxay Jeelka, laakiin waxaa weeye in lays Weydiiyo Maxamed Maxamuud Muxuu Ku Xidhnaa?

Su,aashaa Jawaabteeda laba wax ayey noqonaysaa inay inoo soo baxaan

1: Maxamed wuxuu ahaa ayaa inoo soo baxaysa oo nin baadil ku xidhnaa noqdo oo sidii Mujrimiinta, iyo Tuugta loo xidhay noqon doonaa, Ama wuxuu noqon doonaa Shiikh Maxamed Max'd isagoo Madluuma la xidhay Qiimayntu waxay noqonaysaa wixii lagu xidhay, Arinta labaad Waa in aynu ka faa,iidaysanaa Wadciga iyo Waqtiga aanu ku nool nahay ayeynu garanaynaa Ilaahay baa Mahad leh.

Ka Dib Shiikh Aadan Axmed Caare waxaa khudbadii lagu soo dhoweeyey Shiikh Maxamed Maxamuud Nuur wuxuuna hadalkiisa ku Bilaabay ALLAHU AKBAR ALLAAHU AKBAR Mudo Sanad iyo Siyaado ma hadlin, Xadhigaa la iii khadaray Mid aniga iyo idinkaba Sharaf ii ah weeyaan Ilaahay inagu ciseeye Wax dhib ah oo aan tirsanayaa ma jiraan Dadka Diinta iyo Kitaabka Qaata la imtixaami doonaa, Imtixaankii Ilaahay waa nagu Guuleeyey inta Baadil Nalagu Qabsaday oo Wax nalagu waayey ayaa ilaahay na soo bari yeelay iyagoo leh ma sii Dayn karno, Dadka ayaa kacaya, oo Waaka Baqaynaa, Maanta Waa Maalin Wacan oo Islaamku Meel Walba ka Guuleystay inaguna waa in Islaamkeena Helno.

Maanta hadii ilaahay inala kulmiyey Diinta oo Guul leh dadka islaamka ah oo baraarugay haddii ilaahay inala kulmiyey CID ALLAALE CID DHIBAATO YEELAYNAA MA JIRTO.

Walaalayaal Rasuulkeenii Wixii Dhibaato soo maray, Asxaabtu soo martay, inaga inama soo gaadhin walaalayaal rag baa mindiyo loogu feedhay, jidhkoodii lagu googooyey, rag baa la aasay oo jidhkooda miinshaar lagu kala gooyey, kuwo cuntada laga soomiyey sidaasay ku dhinteen, kuwa bacad ayaa la jiiday sida BILAAL oo kale, anaga waxa na soo gaadhay marka asxaabta loo eego walaalayaal waxaan soo marnay waxay noqdeen mahad ilaahay. Ilaahay waa noo gar gaaray cid kasta oo aanu u malayno cadaw nagu tahay gacanta nagu haysay Ilaahay Beerkooda naxariis ayuu noo mariyey waxaanu la kulanay waxaan xasuustaa maqaaladii IBNU TAYMIYA, IBNU QAYIM haddii lay xidho Jeelka Qalo, hadii la eryana waxay ii noqonaysaa Shahaado, Anaga Qalo ayuu noo noqday Raggii oo dhan Quraanka ayey Xifdiyeen 18 nin baanu ahayn 8-9 Quraanka dhameeyeen, 7-8 Afar Jis baa u hadhsanaa kutub tiro badan FIQI, TAWXIID, LUQAD LEH, USUULUFIQI, xifdiyeen ilaahay u sahlay.

Walaalayaal Meesha aanu ku jirnay 2 Mitir ayey le,ekeyd 5 Nin ba laba mitir bay ku jireen Dermada ayaanu 5 nin kuwada seexan jirnay Meesha Sheelada loo yaqaano Maxaabiista lagu ciqaabi jirey ayey ahayd waxay noo noqotay Albeerko Weyn Walaalayaal ilaahay iskuma kaayo daro Qalbiga oo aan ka cidhiidhtoono iyo guriga oo aan ka cidhiidhtoono farxad ayaanu ku noolayn, waxaanu weligeen arag oo aanu u malaynayno midhihii janada ayaa ilaahay daaqadaha nooga soo geliyey , Quruxda iyo wanaaga iga muuqata waad arkaysaan.

Ninkaygii Meelaha Dabaysha Caato Aawadeed imika Baruur ayaa la dhaqaaqi kari la ahay, Walaaladayna sidaas ayey u sharaf badan yihiin Ibnu Qayim wuxuu yidhi haddii og yihiin nimanka Boqorada ahi Xadhiga Muslimiinta la xidhi iyagaa geli lahaa.

Walaalayaal intanba ima dhagaysan jirin Berigii aan Xaar Wada fadhiisan jirey inta Hareeraha iga mari jirtey iyo sidii la ii xaman jirey waad garanaysaan maanta xantii waa baabaday Ninbaa Islaantiisa ku tiri Guuleed Xaajow Gurigaa Ba,a Dadkuba intaa waa lahaa WAXAANU DHACNAY MA JIRAAN, WAXAANU DILNAY MA JIRAAN, Waxaa nalagu soo oogay Qodobka 222 oo odhanay WAA DIL BAAHSAN , BURBURIN, IYO BAABI,IN.

Walaalayaal ilaahay Sharaf ha idiin yeelo sidaad ii soo dhoweyseen ayuu hadalkii ku soo gabagabeeyey Shiikh Maxamed Maxamuud Nuur. Maanta Qabiil iskumaynaan iman ee Islaanimo ayeynu isugu nimid.
 

Xasuuqan Ulakac ah