Baardheere

Ciidamadan oo wata dhowr gaadiidka dagaalka ayaa waxaa la sheegay in ay ka soo kictameen degmada Saakow oo muddooyinkaan ay ku sugnaayeen mana jirin wax iska caabin ah oo lagala horyimid.

Saraakiisha hogaamineysa ciidamadan oo maanta meel fagaaro ah kula hadlay boqolaal dadweyne ah oo isku soo baxay ayaa waxa ay amarro ku bixiyeen in ay mamnuuceen laga bilaabo maanta waxii la xiriira qaadka, sigaarka iyo tubaakada iyo dhamaan waxii maandooriye ah, iyadoo cidii lagu arkana ay muteysan doonto ciqaab adag.

Gudoomiyaha deegaanka Salagle Daa'uud Iidle Max'uud oo qadka teleefoonka ugu waramayay idaacadda Shabelle ayaa xaqiijiyay in ciidamada Maxkamadaha islaamka ay la wareegeen deegaanka Salagle, si weyna halkaasi loogu soo dhaweeyay, isla markaana waxii halkaasi ka dambeeyay ay ku shaqeyn doonaan awaamiirta maxkamadaha islaamka.

Daa'uud waxa uu sheegay in maxkamadaha islaamka ay ku yimaadeen deegaankaai rabitaanka shacabka oo doonaya in laga hirgaliyo deegaanka shareecada islaamka.

Deegaanka Salagle ayaa waxaa horey uga dhisnaa maamul ay soo magacaabeen dowladda KMG ah ee Somalia oo ka shaqeynayay halkaasi muddo ka badan sanad, ka dib markii wasiiro iyo xildhibaano ka tirsan dowlada Somalia ay gaareen halkaasi.

Axmed Cumar Saalixi
Source: Shebelle Media Network

Xasuuqan Ulakac ah