|
 Dawladda
Mareykanka ayaa ku soo biiray dalalka sida weyn u danaynaya in
Soomaaliya laga qaado xayiraada hubka oo illaa haatan aan Golaha
Ammaanku ka fadhiisan.
Warka ayaa
intaas ku daraya in dowladda Maraykanku uu soo jeediyey in laga
qaado xayiraada hubka ee saaran Soomaaliya ay tahay mid lagu
badbaadinayo dowladda ku sheegta uu madaxda ka yahay Qabqable Yuusuf,
si ay uga shaqeyso gudaha dalkaasi oo ay isku ballaadhinayaan.
Maraykanka oo ay ku daba fayshan
yihiin reer Galbeedka oo adeegsanaya kooxda diinlaawayaasha ah ee
Majeerteeniya iyo nacabka Soomaaliya ee Ethiopia ayaa maalinba
maalinta ka danbaysa sii caddaysanaya colaadda ay u qabaan islaamka.
Ilaahay wuxuu ballanqaaday inuu diintiisa koryeelayo lagamana rajo
qabo in cadawga Ilaahay ay gacmo furan ku soo dhaweeyaan kuwa u
banbaxay inay diinta Alle kor yeelaan.
Maraykanka ayaa soo dhoweeyey mashruuca ciidamada nabad ilaalinta
IGADSOM oo ay hor boodayso Ethiopia oo ay iyagu adeegsadaan.
Maraykanku wuxuu ka codsaday dalalka Midowga Afrika in ay taageeraan
howlgalkaasi si loo caawiyo ayay yidhaahdeen waxay ugu yeedheehn
Dawladda KMG oo noqotay aalad cadawga Soomaaliyeed iyo kan
Islaamkuba adeegsado iyagoo siiyey aqoonsi been ah.
Xayiraada Hubka ee saaran Soomaaliya weli ma jiraan go’aanno ka soo
baxay oo lagu qaadayo xayiraadaas, waxayna warar ku dhow dhow Golaha
Amaanka ayaa sheegaya in aan la qaadi doonin xayiraada qaraarkaasi
oo tirsigiisa 733, balse warar isa soo taraya oo ku aadan arrintaasi
ay sheegayaan in la ogolaanayo ciidamo nabad ilaalinta u imaanaya
Soomaaliya ay la soo galayaan hub iyo saanado militeri, isla
markaana loo ogolaanaynin in cid kale ay faragelin ku samayso
Soomaaliya.
Arrintan ayaa waxay ku soo beegantay xilli ay dhoolatus militeri ku
samaynayaan ciidamo Maraykan ah iyo kuwo Kenyaati ah oo wata
gaadiidka dagaalka gobolka W/Bari ee Soomaalidu degto ee dalkaasi
Kenya, iyo iyadoo ay xarunta dowladda KMG ee Baydhabo ay ku soo qul
qulayaan ciidamo kuwii ugu badnaa oo ka yimaada dalalka Itoobiya iyo
Ugandha, waxayna u muuqanayaan kuwo sii holcinaya xaaladda murugsan
ee Soomaaliya.
| 
11:00 GMT
