Sida uu Shabelle u sheegay C/xafiid Sacdi Jaamac oo ka mid ah Mas'uuliyiinta maxkamadaha islaamka ee degmada caabudwaaq, maleeshiyadaan gaaraya 150 ka ruux kuna hubeysan qoryo nuucyadooda ay kala duwan yihiin ayaa waxaa loo furayaa dhowaan tababaro lagu ciidameynayo.

Waxa uu sheegay in ay gaareen ciidamada maxkamadaha islaamka tuulada Bangeelle oo koonfur kaga toosan magaalada caabudwaaq oo ay kula wareegeen si nabdoon 6 baabuur oo kuwa dagaalka ah oo ay ku jiraan 3 taangi.

Waxa uu sheegay in ay jiraan gawaari kale oo dagaal oo u baxsaday dhinaca ismaamulka Somalida Ethiopia oo uu sheegay in uu jiro wada hadalo lagu soo celinayo.

Waxa uu sidoo kale sheegay in ciidamo ka tirsan maxkamadaha islaamka ay gaareen tuulada Qalaanqaleey oo u dhaxeysa tuulooyinka Bandiiradleey iyo Xeraale, halkaasi oo ay kula kulmeen dad badan oo soo dhaweeyay ku dhaqanka shareecada islaamka.

Waa markii ugu horeysay oo maxkamadaha islaamka ay la wareegaan gawaari dagaal tan iyo markii ay gaareen magaalada Caabudwaaq baratmihii bishaan.

Xasuuqan Ulakac ah