  
|
 |
|
Kala
miyo |
|
By: Mubaarak Mohamed Nuur "Qoorubaxay" |
|
|
|
|
Gabaygan waxaa tiriyey Mubarak Mohamed Nuuk (qoorubaxay)
wuxuuna jawaab u yahay Tixdii gabayga ahayd ee Maskax Godol ,uu soo
tiriyey maxamed aw cali Caran,waxayna soo baxday 21/11/2006.
Hal muceedka suugaanta Mudan meeris iyo hooris
Hadii aan macnaa iyo naxwuhu meel u Wada jeedin
Ama aanu miisaanka Gabay haysan marinkiisa
Moqoraysi buu kaa noqdaa miilo Booliyahe
Dadkuna way masuugaan Tixdaan wadanin maahmaahe,
Maamuuska sharaftaa sidaad ugaga maansootay
Iyo sidaad u kala muujisee moosinku u aastay
Alleylehe Mid waqalaad ridoo muula waad tahaye,
Anigoon Murtida baanaheed Madasha dhaafaynin
Arar miigan geeraar milga leh duluc mahiigaana
Magaynada xishood sheekadoo maydhax laga diiray
Muran li hadii loo kaftamay waa midaan rabaye
Balaan mariyo Mawalaha ilaaha Matadi weeyaane,
Geel jire madheedhkuu ogyahay meesha laga goosto
Ushoo meel u taaluu jartuu Male su’aalaaye,
Hayeeshee Markhaatiguba waa kiis maxkamadeede
Mahwi laysu soo galay qofuun magac la weydiiye
Waxaan anigu maankay ka helay Amase ii Muuqday
Inantaa midhcahan iyo Midhcahan kugu Mataanaysan
Inantaa muquunada jacayl miratay laabtaada
Inantaa kalgacal maaxashada caashaq kula maagay
Hadii muruq intuu cadaw la tegay salabka loo miidhay
Ama maal intoo laysku xidhay madaxfur loo sheegtay
Maamuus wixii aan Kariyo macalin diimeed ba
Intaba Waynu maarayn lahayn Malin gelinkeede
Macnahiyo sheekadu Haday mayiyo haa joogtay
Oo aan nin loo meherin kale aqala loo muujin
Hadii aanay maanicin warkaad ula muraadootay
Ama aanay madal laysu yimi midigta kaa taagan
Amaan Mudantideed iyo tolkeed maanac kaga Dhaaran
Waa ila maroor xaajo aan kaga masuugnaaye,
Masalooyin dhowraan hadeer miiska soo dhigiye
Kala miyo Midaad door biduun adiyo maankaaye,
Metaal uguba oon hore la Maqal lagana maansoonin
Mahuraan haweenoo erga ah Subax intaan miidhno
In maraykan aan ugu diriyo madasha ay joogto
Oo Waxay markaa soo ceshaan magane aan eegno
Iyo inaynu gabadh muunadloo muusha baa badane
Malkadii hargeysiyo burciyo magaca reer sheekhba
Habla wada muraayada ilayn mawle waa dhigaye
Mida aad isleedahay tanaa Muxibadeedii leh
Inaad magaca Eebbe u xustoo Meher ku soo taagto
Kala Miyo midaad door bidaa adiyo maankaaye!.
Mudo badan hadii caashaqeed uu ku miranaayey
Maankiyo qalbigu Maxamedow Magane kaa raacay
Oo aan marley kale dhamaan Aadan muhanaynin
intay maaran kaa Noqon lahayd ama maqbuulkii san
Is maqiiqa telefoon inaad Muna ku doondoonto
Oo maqaal badheedha ah halkaa aad ka maqshiiso
Iyo inaad midiidimo kalgacal noqotid maadaysi
Ood maanka Ruux kaa jalbaday milicsigeed dhowrtid
Ama ay macaash li' naftii meel Cidla’a joogto
Kala miyo Midaad door biduun adiyo maankaaye,
Inkastood magool laacayiyo aad man urinayso
Inkastoo mahiigaan kalgacal uu ku miranaayo
Inkastoo aad maaweeladii aad u muhamanayso
Arinkaad muhiib kuu lahayn maarankaa danahe
Inaad samir Ka mooyaysatoo aad Milgo ilowdo
Iyo inaynu Maal iyo Aduun maydal iyo jeedal
Wixii aan ku maakubi lahayn uga muraadoono
Maraykaan iyaba way tagtee Lagula maareeyo
Muuqaa iyada oon filayn ama malaynaynin
inaad minanka aqalkay fadhiday subax ka maansootid
Bal inay qof kugu maakubtoo muran ku keenkeento
Kala miyo Midaad door biduun adiyo maankaaye,
Mubaarak Mohamed Nur (qoorubaxay)
Sweden |
| Caynaba News
kama masuul aha afkaarta ay xanbaarsan yihiin qoraallada ay
akhristayaashu fekerkooda ku cabbirayaan. |
|
|
|
Buug suugaameedka "Halqabsi" waxad ka helaysaa murtidii
Abwaan Max''ed Aw Cali Cartan. Waxad ka heli kartaa
|
11:00 GMT
